Bulle du 6 février 1137
Innocent II à Brice, évêque de Nantes

Archives départementales Loire-Atlantique, G 2 Supplément (fonds du chapître de la cathédrale entré aux Archives départementales à la suite de l’incendie du 15 juin 1944)

 

Bulla Constitutionis Innocentii II
Die 6a Februarii 1137

INNOCENTIUS EPISCOPUS SERVUS SERVORUM DEI. VENERABILI FRATRI BRICIO EPISCOPO ET DILECTIS FILIIS WIDONI, BERNARDO, ERNALDO, DANIELI, LORCARIO [sc. PORCARIO] GUILLELMO, PHILIPPO ECCLESIAE NANNETENSIS CANONICIS CONSTITUTIS EORUMQUE SUCCESSORIBUS CANONICE SUBSTITUENDIS IN PERPETUUM.

Pastorialis officii est vineam summi patris familias diligenter excolere et ad eius incrementum atque meliorationem propensius laborare. Quod ergo,  venerabilis frater Brici episcope, ad decus et gloriam Nannetensis Ecclesiae in tua episcopali sede canonicorum numerum augmentasti et de bonis Ecclesiae tuae eisdem sustentationem canonice contulisti gratum habemus atque ad ipsum praesentis scripti pagina confirmamus, in qua nimirum quarundam possessionum nomina propriis duximus exprimenda vocabulis, quidquid sciliret in solemnitate Pentecostis de oblationibus praefatae Ecclesiae tibi annualiter competebat.

Dimidiam quoque partem cimiterii sancti Petri et de his quae ex ablationibus vinetium seu morientium eidem loco proveniunt. Communem cum caeteris Canonicis portionem. Ecclesias etiam sancti Saturnini, sanctae Mariae et sancti Vincentii infra muros sitas cum appendiciis earum, et dimidiam partem oblationum quae ad tuum jus episcopale in Ecclesiarum dedicationibus pertinebant. Ecclesiam Sancti Donatii quae in Aurelianensi sita est civitate cum burgo, molendino et vineis tibi pertinentibus. Vineam albam quam tu ipse plantari fecisse dinosceris. Vineam Guillelmi Canonici cognomento Facilionis totamque possessionem Lamberti servientis tui excepto uno curtillo, vineam quem quatuor Capellanis ipse dedisti. Vineam quoque Rainerii Arguuel et vineam de Carcoith quae fuit Hervei servientis. Vineam de Gorbellaria quam tuo tempore adquisisti. Domum insuper Guillelmi [Ficladis, Fichois?], domumque Porcherii et quidquid juris in tribus Ecclesiis de Clitione idem Porcherius habere solebat. Ecclesiam Sanctae Lu[z]iae de Capite Salii cum burgo et decima eiusdem parochiae. Capellaniam Ecclesiae de Carquefol cum illa parte decimae quam Guillelmus Arscoidi filius possidebat. Ecclesiam sancti Medardi de deserto cum decima totius parochiae. Ecclesiam sancti Hermelandi de capella sitam super Herdan cum omnibus appendiciis suis. Ecclesiam sancti Leodegardi de Ornaldo. Ecclesiam sancti Symphoriani de Trilieriis cum omnibus redditibus earum excepta dimidia parte decimarum quae de jure Episcopi Nannetensis existit.
[lacune ?]
Quae profecto omnia deinceps quiete habenda et possidenda vobis vestrisque successoribus autoritate Apostolica confirmamus, salvo siquidem in omnibus eisdem Ecclesiis jure Episcopi et Archidiaconi. Confirmamus etiam vobis decimam de Salterone a praefato fratre nostro Bricio episcopo adquisitam vobisque collatam et totam decimam de bosco Gonhardi. Quaecumque praeterea vobis dilecti in Domino filiis ab eodem fratre nostro seu ab aliis Dei fidelibus in posterum quolibet justo titulo conferentur universitati vestrae vestrisque successoribus pontificali privilegio roboramus et rata vel inconvulsa ad opus vestrorum ac posterorum vestrorum in perpetuum manere decernimus. Nulli ergo hominum fas sit vos supradictos Canonicos aut successores vestros super his temere perturbare aut collatas vobis possessiones auferre, minuere seu quibuslibet molestiis fatigare ; sed omnia vobis integra conserventur vestris et successorum vestrorum usibus profutura. Si qua sane Ecclesiastica saecularisve persona hanc nostrae constitutionis paginam sciens contra eam temere venire tentaverit secundo tertiove commonita, si non praesumptionem suam satisfactione congrua emendaverit potestatis honorisque sui periculum patiatur, et a sacratissimo corpore ac sanguine Domini nostri Jesu Christi aliena fiat atque in extremo examine districtae ultioni subjaceat : Conservantes autem haec omnipotentis Dei et beatorum Apostolum Petri ac Pauli gratiam consequantur. Amen.

 Ego Anselmus presbiter cardinalis ss.[1]

[Rota] Ego Innocentius Catholicize Ecclesiae episcopus ss[4] [Benevalete]

Ego Gerardus presbiter cardinalis titulo sanctae Crucis in Hierusalem ss.[2] 

Ego Guilielmus Prenestinus episcopus ss.[5]

 Ego Lucas presbiter cardinalis titulo sanctorum Johannis et Pauli[3]

Ego Gregorius diaconus cardinalis sanctorum Sergii et Bacchi ss.[6]

Ego Martinus presbiter cardinalis ss.[7]

Ego Theodewinus sanctae Rufinae episcopus ss.[8]

 

Ego Guido diaconus cardinalis sanctorum Cosmas et Damian[9]

 

Ego Drogo Ostiensis episcopus ss.[10]

 

Ego Guido diaconus cardinalis sancti Adriani ss.[11]

 

Ego Hubaldus diaconus cardinalis sanctae Mariae in via lata[12]

 

Ego Grisogonus diaconus cardinalis sanctae Mariae in porticu ss.[13]

Ego Bernardus presbiter cardinalis titulo sancti Grisogoni ss.[14]

Ego Ivo diaconus cardinalis sanctae Mariae in Aquiro[15]

Datum Pisis per manu Aimerici sanctae Romanae Ecclesiae Cardinalis et Cancellarii[16] VIII Idus febr. Indict. XV Incarnationis

 dominicae anno MCXXXVII pontificatus vero Domni Innocentii PP II anno VII

========

[1] Inconnu

[9] Né à Pisa, légat en France en 1134

[2] Gerardus Cacciaminici de Bologna, le futur pape Lucius II.

[10] Autrefois chanoine de Reims, contemporaine de Geoffroy de Chalons et Guillaume de Saint-Thierry, qui entra l’ordre Cistercien à Pontigny (entre 1125 et 1128)

[3] Français, allié de Bernard de Claivaux

[11] Inconnu

[4] Gregorio Papareschi di Guidoni, né avant 1116, mort le 24 septembre 1143 à Rome

[12] Inconnu

[5] Peu connu, mort en 1137

[13] Français, allié de Bernard de Clairvaux

[6] Romain, ami de Bernard de Clairvaux

[14] Peu connu, mort en 1137 ?

[7] Probablement de Gênes, moine de Clairvaux jusqu'à   1132

[15] Autrefois maître de Chartes, chanoine de Saint-Victor et disciple de Gilbert de la Porrée

[8] Allemand

[16] Français, venant de la Bourgogne, ami de Pierre le Vénérable et Bernard de Clairvaux 

  sommaire

page précédente